網購 信用卡 優惠 推介

海外簽賬 $1/里

DBS Black World Mastercard

DBS Black World Mastercard特別有海外簽賬嘅迎新優惠,首HK$5,000享HK$1 = 1里(上限5,000里),其後HK$70,000享HK$2.5 = 1里(上限28,000里)。平時嘅海外簽賬每$250就有DBS$3(即$4/里)。
本地簽賬優惠方面,首$5,000可享有$1/里嘅優惠(即5000里),隨後嘅$235,000都有$5/里(上限47,000里)。

不過留意返,結果你係去「海外註冊商戶」Online Shopping的話,一定要揀用外幣結賬,而唔係用港幣,否則唔會得到優惠里數之餘,仲會被收取跨境港幣交易手續費!呢一點下面會解釋。

 

5.6% 獎賞錢回贈

滙豐Visa Signature卡

【經HongKongCard申請滙豐信用卡,可享價值高達港幣1400元迎新禮遇,可享額外$50獎賞錢!】

將「最紅自主獎賞」嘅額外5X「獎賞錢」放喺「賞世界」,就會有2%回贈。今年另外再有特別推廣,網上及海外簽賬都可享高達2.4%「獎賞錢」回贈。如果用Visa Signature卡簽賬仲抵,再有額外多1.2%回贈,加埋總共有5.6%回贈。

不過要留意返,要有今年嘅2.4%特別推廣,係有條件嘅。就係要每階段簽滿3000蚊先會有嘅,最高可獲$300額外「獎賞錢」。回贈總共分4個階段,而家啱啱開始階段2,由2019年4月1日至6月30日。想有呢個優惠嘅,記得上呢個網站登記先。

6萬年薪 享2%回贈

Citi Clear Card

【經HongKongCard申請Citi Clear Card,可享額外$200超市禮券!】

年薪只需要$60,000,門檻相對較低。憑Citi Clear Card作任何網上外幣簽賬,全年可享2%現金回贈,其他簽賬亦可享0.4%現金回贈。除此之外,唔少演唱會仲有優先訂票,例如係 側田My Beautiful Curse演唱會 2019、TROYE SIVAN THE BLOOM TOUR HONG KONG演唱會等等,唔使再F5到爛都未買到飛啦!另外買電影戲飛仲會買1送1㗎#。

#只限星期五至日於 Cinema City 朗豪坊及Cinema City Victoria,並需以Citi Clear Card於購票當月或其前一個曆月內作一次不少於HK$500之單一本地零售簽賬。優惠期內,每張Citi Clear Card 每星期(即星期一至日)最多可獲一張免費戲票。

2%現金回贈

渣打Simply Cash Visa卡

以現時現金回贈嘅卡嚟講,渣打Simply Cash Visa卡都算係現金回贈率比較高嘅一張卡,其實基本上都無乜可以挑剔,所有港幣簽賬1.5%現金回贈,就連八達通自動增值都有,而外幣簽賬更有2%現金回贈!

外國網 網購 揀 外幣結賬 定 港幣結賬?

如果你成日都要網購,買機票或者訂酒店的話,一定要睇到最後!如果有喺外國網站買開嘢,一定留意到有啲網可以直接用港幣找數,你以為好方便,其實唔係!事關喺大部分時候,用外幣結算都會比較化算!

點解直接用外幣結算會好啲?因為如果喺外國網站用港幣找數,就會有跨境港幣交易手續費(Fee for Cross-border Transactions in Hong Kong Currency) ,大約1%左右,兼且匯率係由商戶決定。雖然銀聯唔收手續費,但係匯率就相對無咁好啦。

於設有 香港 網頁 商戶 網購 要小心 跨境港幣交易手續費!

就算喺香港嘅商戶買嘢,如果佢係「海外註冊商戶」,而響埋單個陣係用「港幣」找數嘅話,都會有可能會被收取跨境港幣交易手續費!(有會員超級好人,一直有update一份海外註冊商戶清單,有興趣可以睇睇:海外註冊商戶列表

當中有唔少香港人常去嘅網站都要額外收費,例如H&M online、買平日本機票嘅Vanilla Air同Peach 都要收海外交易手續費。唔好以為有香港網頁就係本地消費,呢點要留意!

^ H&M online寫明信用卡公司會收額外費用。

^ Vanilla Air 香草航空都有寫明信用卡公司會收額外手續費。

信用卡 網購 跨境港幣交易 手續費 比較

怕麻煩嘅可以睇睇呢個表,申請0%手續費嘅信用卡啦。不過唔同銀行的兌換價都唔同,無手續費唔代表最終價格平啲。都係果句,格咗價先好買。

申請Visa同Mastercard嘅朋友就要特別留意一下「 外幣交易及跨境港幣交易收費」、「以港幣支付外幣簽賬的有關費用」或者「在香港以外地區以港幣簽賬的費用」等等字眼嘅呢幾欄,會寫明張卡會唔會收跨境港幣交易手續費!下表僅列部份銀行收費:

銀行 跨境港幣交易手續費
美國運通 0%
Citi 花旗 0%
星展* 0%
滙豐 0%
東亞 1%(VISA及Mastercard)
中銀 0.95%(Mastercard)
中銀 0.8%(VISA)
建行(亞洲) 1%(VISA及Mastercard)
大新 1%(VISA及Mastercard)
富邦 1%(VISA及Mastercard)
渣打 1% (Mastercard)

*星展DBS雖然唔收跨境港幣交易手續費,但寫明「香港以外的銷售點(就網上交易而言,指商戶的登記及/或結算所在地)所進行的港幣交易,並不計算為合資格簽賬或外幣零售簽賬」,一句到尾,即係唔會有積分賺!

以下精選咗幾張唔收跨境港幣交易手續費嘅信用卡:

美國運通I.T Cashback卡

Citi Prestige信用卡


【經HongKongCard申請Citi Prestige信用卡,可享額外$300超市禮券!】

Citi Clear Card


【經HongKongCard申請Citi Clear Card,可享額外$200超市禮券!】

滙豐Visa Signature卡

【經HongKongCard申請滙豐信用卡,可享價值高達港幣1400元迎新禮遇,可享額外$50獎賞錢!】

DBS Black World Mastercard

 

DBS Eminent Visa Signature Card