平時簽卡儲埋儲埋咁多積分,主要都係用嚟換里數,或者換錢變現金回贈。銀行經常會出啲禮品嚟吸引客仔用積分換,但老實講除咗現金券同埋演唱會飛,有幾多真係有吸引力先?不過如果用積分換現金回贈還卡數,仲有得抽獎,贏一千萬積分,或者兌換積分全部回贈,咁又點睇呢?

而家AE就搞緊「Pay with Points」Promotion (詳情),由而家起至10月17號,去AE網站登記同經「Pay with Points」連結,每次最少兌15,000分 (300分=$1),每兌滿30,000分,就有一次抽獎機會,頭獎可以一人獨得一千萬積分,二獎有30名,可以全數回贈你玩呢個活動所用嘅積分,最高回返300,000分俾你。不過找卡數嗰陣唔好諗住兌咗分有回贈就還少啲,Min pay係要照交足先。又循例一提,呢個Promotion只限AE自己卡玩,其他銀行嘅AE卡冇份。

Lady C.覺得呢個抽獎Promotion好似去賭場玩老虎機,你換多啲籌碼啦,玩多啲啦,會中Jackpot㗎。