暑假係旅遊旺季,機票酒店都貴過人,所以我通常會揀暑假之後,聖誕節之前呢段時間先去。間唔中就會放平機票出嚟嘅AirAsia又開倉,做到8月3號,正好喺嗰段時間出發,買平機票同時用淡季價錢去玩,慳得就慳。

今次主要都係飛馬來西亞同埋泰國,單程機票計埋燃油附加費同機場稅,吉隆坡$559、沙巴(亞庇) $528、布吉$588、曼谷 (廊曼) $488、清邁$508。我撳過香港吉隆坡來回,似乎好多平飛,9月5號晚或6號出發,過完中秋9號晚返$1,046。如果去沙巴來回,中秋9月7號去11號返都係$976,不過時間就麻麻,晚機去早機返。可惜AirAsia個里數獎賞計劃係自成一國,唯有用恒生卡做港幣簽旅遊網上交易,賺下3倍Cash Dollars

吉隆坡地標-雙子塔。

沙巴京那巴魯山俗稱神山,好多旅客慕名而來登山。

講起布吉,就諗起陽光與海灘。