恭喜發財!新正頭喺度同大家拜個早年先,過年最開心梗係逗利是啦,而家興用電子錢包,大家可以試下用手機派利是,除咗跟上潮流之外,仲有得賺回贈,你派畀我、我派畀你,一齊發下新年財。

 

WeChat Pay綁卡即送$38
日期:至2月24日
而家將建行(亞洲)DBS信用卡加入WeChat Pay,會有$38利是回贈,入返落WeChat Pay。如果有呢兩間銀行嘅Visa / MasterCard信用卡,就可以共賺$76。不過要留意,建行(亞洲)限頭6,588個客戶,DBS限頭3,938個客戶綁定,同埋每人每間銀行只可以賺一次回贈,即係各加一張卡就OK。

WeChat Pay綁定信用卡步驟
1. 喺WeChat「我的設定」撳「錢包」。
2. 撳「新增信用卡或者銀行戶口」,再撳「新增信用卡 (VISA/Mastercard)」。
3. 入卡號同其他資料,設定付款密碼。

 

 

WeChat搶$8.8利是
日期:至1月29日
綁卡賺完$76,WeChat仲有嘢玩,年三十至年初二期間,每日會派100,000封$8.8利是,直接入落WeChat Pay戶口,每人限領一次,同埋只限2017年1月15號或之前以香港手機號碼同IP開嘅WeChat戶口。

 

搶利是步驟
1. 喺WeChat搜尋WeChat香港官方賬號 (wechathk)
2. 會見到「We香港」,選擇「關注」。
3. 入去對話,撳右下角「著數」,撳「豪派百萬利是」。

 

 

WeChat Pay派利是送8,888分
日期:至2月11日
如果已經將中銀信用卡綁定WeChat Pay,派一次利是就可以賺到8,888信用卡積分,利是更加係唔限金額,派$1都得,不過冇理由派單數嘅,好意頭啲派$1.8啦。

WeChat派利是步驟
1. 揀返派利是畀邊個,入去對話,撳右下角「+」號,再撳「利是」。
2. 入返金額,撳「塞錢入利是封」送出。

 

 

WeChat Pay綁定信銀國際戶口有利是
日期:至2月28日
將信銀國際港元往來及/或儲蓄存款戶口綁定WeChat Pay,有三個獎賞:
第一,綁定之後派一封$1或以上利是,有$8回增;
第二,派八封最少$8利是,回贈$18;
第三,賺完第二重獎賞,再累積派利是$888或以上,回贈$38。
另外,頭688個客戶首次將網上理財戶口綁定到WeChat官號 (cncbintl),可穫電子咖啡券一張。

 

「拍住賞」互賺$18.88
日期:至2月11日
講咗幾個WeChat優惠,講下Tap & Go「拍住賞」,不過步驟稍為繁複。經佢派利是畀全新「拍住賞」用戶,然後對方成功啟動戶口同上載身份證明文件,你同佢就可以獲得$18.88回贈。如果新客戶收到多過一封利是,就只計最先派利是嗰個,可以獲得回贈;派利是畀不同新客戶賺回贈就冇上限。

派利是步驟
1. 入「拍住賞」App,撳左下角「利是小雞」。
2. 揀要派利是畀邊個,然後入預設或自訂利是金額,揀「好事成雙」會派兩封。
3. 揀利是圖案、入祝福句子,就可以送出。

收利是步驟
1. 如果收利是時未登記「拍住賞」,收回收到SMS通知有利是,然後喺手機裝App,跟據步驟登記,最重要係上傳身份證明文件認證,先會有回贈。
2. 1O1O或csl客戶可以去門市換支援「拍住賞」嘅SIM卡,如果唔係就要去便利店或指定經銷商買「拍住賞」卡,連結返「拍住賞」戶口,就可以用到回贈。
3. 現有「拍住賞」用戶會有App通知,入「拍住賞」App,撳左下角「利是小雞」收利是。

 

 

如果賺齊咁多個優惠,可以賺到$38 + $38 + $8.8 + $8 + $18.88 = $111.68,再加中銀信用卡8,888分 (以25,000分換$100現金券計,大約值$35.552)。而成本就係$1.8 (WeChat Pay X 中銀利是一封) + $1.8 (「拍住賞」利是一封) + $1.8 (WeChat Pay X 信銀國際利是一封),一共$4.8。當然,唔怕被人鬧派單數嘅話,每封派$1都得,不過新正頭都係攞個意頭好啲,免得未到初三赤口就開波。