大人細路都岩玩!蝙蝠俠夜神飛馳

話說訂新酒店嘅時候,包左「蝙蝠俠夜神飛馳」嘅入場門票,雖然我鍾意蜘蛛俠多啲,不過有飛梗喺去玩下啦!就咁睇酒店網頁介紹,認真唔知佢玩咩,又4D、又飛行,唔通係機動遊戲?結果梗喺唔係啦,如果要形容,用「動感影院」就貼切啲,對於未玩過呢類遊戲嘅我黎講,認真幾好玩!同事就話個感覺好似玩緊大阪環球影城哈利波特嘅「禁忌之旅」咁,不過主題就變咗蝙蝠俠,俾大家參考吓。

雖然有趣,但如果唔喺 book 酒店嘅時候包埋,而喺要自己買飛,就真係未必會買嚟玩,始終 $150玩只係玩得15分鐘真係太!貴!了!不過,無論你去唔去玩,都可以去隔離紀念品店入手蝙蝠俠嘅周邊產品,裡面有數之不盡嘅蝙蝠俠產品,包括:T-shirt、杯、水樽、模型⋯⋯ 鍾意蝙蝠俠嘅你,實有嘢可以入手!


裡面有多款 T-shirt 選擇,一定有款合你心水~

蝙蝠俠夜神飛馳 (★★★☆☆)
票價:成人 $150;小童 $120
營運時間:12:00pm – 8:00pm(星期一至星期五);11:00am – 9:00pm(星期六至星期日及公衆假期)

小朋友天地!澳門科學館

喺咪以為科學館會好悶?澳門科學館總共有 14 個館,梗有一個啱你玩!當中長期展館包括:運動競技廳、機械人廳、食物科學廳等等,當中喺運動競技廳有啲模擬遊戲,例如划艇、射槍等;亦有真嘅運動(籃球)可以玩,小朋友嚟到呢度,一定好開心。

另一方面,Lego 迷注意了!!科學館裡面仲有 3 個以賽車為設計主題嘅 Lego 模型,題材分別是澳門格蘭披治大賽車跑道起步點、澳門旅遊塔同埋澳門半島地圖,仲有官方最新的賽車產品、攝影區「澳門名勝×樂高®人仔」畫框展板相片展。 12 月 28 日前都可以睇到,大家要把握時間啦~ 嚟緊12月13號仲會有兩場「樂高拍攝技巧講座」,由攝影人梁舜堯主講,詳情可以參閱網頁

係科學館門口左邊種咗一棵心型樹,情侶必黎嘅影相位!


澳門科學館
(★★★☆☆ )

票價:$25 (非澳門居民)
地址:澳門孫逸仙大馬路澳門科學館
開放時間:10:00am – 6:00pm(逢星期四為休館日;但若該星期四為公眾假期則會開放,詳請可看網站)

去片~


=
========== ⊙⊙ ===========
如果想了解我多點,不妨到我的 FacebookInstagramYouTube 看看
多謝瀏覽 ☺ 下回再見