事緣滙豐出咗個最紅簽賬優惠 感應式 流動電話 付款 高達額外5% 「獎賞錢」 回贈優惠,簽$8,000以上回$400獎賞錢。HongKongCard討論區有神人發現可以連埋呢個優惠一齊用,計計數,食盡可以回高達$1,520(獎賞錢+百佳現金券),仲要未計迎新同最紅自主獎賞!好喇,唔講廢話,我哋直奔主題。

先講條件同步驟,後面再解釋。

滙豐銀聯卡 X Apple Pay隱藏玩法 指定信用卡

A) 首先認住下面呢兩張卡,你要有是但一張,冇就而家申請:

B ) 要有Apple Pay。

C) 要在即日起至10月28日前嘅星期五、六或日,累積簽滿$8,000。

 

滙豐銀聯卡 X Apple Pay隱藏玩法 4個步驟

有齊以上ABC 3大條件,再跟住下面4個步驟做:

  1. 將滙豐銀聯雙幣信用卡加至Apple Pay。傳送門
  2. 呢條Link登記拍卡優惠。
  3. 10月28日前嘅星期五、六或日,去百佳或百佳旗下超市,每次用滙豐銀聯卡加Apple Pay呢個組合付款,單一簽賬$500。
  4. 總共簽16次,即是累積簽$8,000。

咁就可以食盡回贈,$400獎賞錢 + $1,120百佳現金券,共值$1,520!

 

滙豐銀聯卡 X Apple Pay隱藏玩法 玩法詳解

唔齊3大條件都可以有優惠,只不過食唔盡。解釋吓個原理,感應式或流動電話優惠最少要在10月31日前累積簽滿$8,000,回贈5%獎賞錢,上限$400,即是$8,000就食盡,呢個優惠唔限銀聯,只要係滙豐信用卡,你拍卡或者用Apple Pay、Google Pay或Samsung Pay畀錢就得。同一時間,滙豐做緊百佳優惠,10月28日前逢星期五、六、日,在百佳或旗下超市單一簽賬滿$500,有$50百佳現金券,銀聯再多$20,即是加埋$70,而滙豐銀聯只可以綁Apple Pay。所以用呢個組合,每$500回$70,要簽夠$8,000,簽16次剛好maximized,再加埋$400獎賞錢,爽歪歪!

仲可以去盡啲,如果你未有滙豐銀聯卡,而家申請食埋迎新,價值高達港幣1,800,經HongKongCard網上申請仲送多$50獎賞錢!再all in埋賞家居,又多$192獎賞錢!

 

滙豐銀聯卡 X Apple Pay隱藏玩法 溫馨提示

趁未玩爛,要玩就快!不過都要睇埋以下溫馨提示先。

  • 感應式或流動電話優惠只限本地交易,同埋衛訊、國泰App亦唔用得。
  • 優惠所指百佳同百佳旗下超市包括:百佳超級市場、FUSION、TASTE、INTERNATIONAL、FOOD LE PARC、GOURMET、GREAT FOOD HALL及SU-PA-DE-PA (超市部),留意,只限實體分店
  • 唔係所有貨品都計落百佳優惠,以下呢啲唔得:優惠不適用於繳費賬項、購買禮券、初生嬰兒奶粉、電話卡/儲值卡的交易、八達通/支付寶增值、香煙、燕窩、雞精、烈酒、鮑魚、月餅、月餅禮券、任何換購推廣、塑膠購物袋收費、送貨服務費、3 Shop產品及服務、網上/百佳App/電話/傳真/大額(單一交易之金額超過港幣50,000元)/原箱(單一交易購入超過50箱的原箱貨品)訂購、於自助收銀機處以合資格銀聯雙幣信用卡繳付之簽賬、於任何海外分店(包括中國內地及澳門分店)之簽賬及透過電子錢包繳付之簽賬。
  • 簽賬計淨簽賬,現金券嗰啲唔用得。
  • 記得登記,唔好嫌我長氣。
  • 呢個唔係唯一玩法,歡迎自行發揮想像力。

*最後提提大家,以上資料僅供參考,如有爭議,一切以銀行最終決定為準