最後召集 換里數額外再獎里數

大家平時絞盡腦汁，去某鋪頭買嘢就用呢張卡，指定日子先就碌嗰張卡，目的都係為儲多啲分，換多啲回贈同埋里數。相信儲開里數嘅Citibank PremierMiles信用卡用戶都知道，佢做緊Asia Miles額外里數獎賞計劃，兌換500或者500倍數嘅里數，就可以打電話去參加抽獎，有機會贏多15%額外里數獎賞，最少亦有2%，即係1,000里數最多額外獎你150里數，最少都有20里數。

大家又可能會話：「唓，呢個Promotion 3月21號咪開始咗囉，舊料嚟嘅！Old news is so 唔識串！」係，呢個Promotion的確係出咗一段時間，不過我見今個月尾就截止，大家可能又再儲夠分換里數，所以再提下大家咁解啫。