記得以前Sony曾經出過一隻名為AIBO嘅機械狗,對人嘅聲音動作有反應,可以同人互動。小時候嘅我都不知幾恨有一隻,不過屋企人並冇實現我呢個願望。近年喺日本好Hit嘅Robi最近引入香港,就勾起我對互動機械人嘅少少情意結。
 


 

Robi係一個互動機械人,引入得嚟香港,自然識聽亦識講廣東話,可以辨認200個中文單字,會配合對眼嘅LED燈顏色、肢體動作嚟表達感情。除咗對答,佢仲識行識走、跳舞、唱歌、踢波,遙控電視,好似幾好玩喎。官方話Robi充電1至1.5個鐘,就可以玩20至30分鐘。

講嘢嗰陣眼同嘴嘅LED燈都會著。
 
識行識走。
 
亦識跳舞。
 

不過要擁有Robi,並唔係就咁買佢返去,而係以周刊形式,每期跟書送一Part零件,慢慢儲齊為止。要儲齊就要隨70期!10月14號創刊號賣$49,之後每期$159,當中有4期因為零件比較貴,會有2期賣$299,2期賣$229。即係話如果要齊,就要$11440。咁有人會話:「嘩!咁咪要等好耐先有得玩?」係,要佢變成完全體,的確係要等下。另外儲齊1至35期會送鬧鐘,儲齊36至60期會從座椅形充電座,呢個必儲。

咁要點買Robi周刊呢?可以去書報攤、書店、便利店買,咁就記得整定Visa payWave或者MasterCard PayPass,特別係匯豐Mobile Payments有額外3X「獎賞錢」,中銀i-card流動支付交易亦有10X積分。另外亦可以做長期訂閱,每兩期寄一次,可以用信用卡,會有5%折扣,每月底找數。網購可以用建行 (亞洲) eye Visa卡,有5X積分;用返中銀i-card一樣有10X積分,不過每月限賺額外10,000分。