踏入九月,除咗學生們開始新學年,亦都係各大銀行推出信用卡新優惠嘅時間。今次我就講下同大家息息相關嘅連鎖超市同個人護理用品店嘅零售優惠,買糧油雜貨、日常用品都可以用,雖然少少哋,但相信各位實會用得著嘅。

惠康 X 渣打 (詳情)
優惠期至:10月31日
優惠:於惠康超級市場、Market Place by Jasons、Jasons • Food & Living、ThreeSixty、Oliver’s the Delicatessen分店、惠康為您送及Market Place by Jasons網上品味超市單一簽賬滿$500,即減$50。

百佳 X Citibank (詳情)
優惠期至:10月26日
優惠:以Visa信用卡於百佳超級市場、Fusion by PARKnSHOP、TASTE、International by PARKnSHOP、GOURMET、GREAT、SU-PA-DE-PA單一簽賬滿$500,可獲$50現金券;持有易賞錢卡者可獲$60現金券,每人每日只可獲優惠1次。

崇光 Freshmart X 銀聯 (詳情)
優惠期至:10月31日
優惠:優惠期內逢星期二及星期六於崇光超市單一簽賬滿$500 (銀聯閃付卡) / $600 (銀聯卡),可換領$100崇光購物禮券一張,每人每日憑同一張銀聯卡最多可換領禮品一次。

萬寧 X 恒生 (詳情)
優惠期至:10月31日
優惠:於萬寧、Mannings Plus、Mannings Baby及GNC專門店單一簽賬滿$500或以上,可獲賺取$40 Cash Dollars。每人每日於同一分店只可享優惠一次,每張信用卡於整個優惠期內可獲額外最多$320 Cash Dollars。

雖然屈臣氏冇信用卡新優惠,不過佢都有同渣打合作嘅全年優惠,同埋「Good Life夏日賞」都有佢同惠康份。

屈臣氏 X 渣打 (詳情)
優惠期至:12月31日
優惠:於屈臣氏單一簽賬滿$500,即減$25。

渣打「Good Life夏日賞」(詳情)
優惠期至:9月30日
優惠:每個月累積簽賬滿指定金額,當中海外簽賬、百貨公司、網上簽賬、惠康系超市、屈臣氏等指定類別簽賬,可獲5% (累積簽賬$5,000-$7,999) 或10% (累積簽賬$8,000或以上)現金回贈。
額外獎賞上限:
回贈比率:5%
每月回贈上限:$150
全期回贈上限:$600
回贈比率:10%
每月回贈上限:$300
全期回贈上限:$600

單睇獎賞價值,崇光 Freshmart X 銀聯回贈價值最高,不過就有限指定日子,同埋冇銀聯閃付嘅銀聯卡主要買夠$600先換到禮券。百佳 X Citibank就可以夾埋Rewards卡用,佢超市簽賬會有5X積分,賺到2,500分,價值$10,如果有易賞錢卡,會有多$10現金券。而惠康 X 渣打係即時有$50折扣,夾埋「Good Life夏日賞」就多$22.5或$45回贈 (即減$50後簽賬額$450計),但要累積簽賬$5,000或以上先計。

注意合資格交易
買嘢時要留意,有啲簽賬係唔包括喺優惠入面,例如買現金券、初生嬰兒奶粉、燕窩、雞精、月餅券、電話卡、儲值卡、八達通增值、或者指定牌子或產品,仲有膠袋環保徵費都係唔計嘅。

常設額外獎賞信用卡
有一啲信用卡有超市 / 個人護理用品店優惠,而佢哋會接受MasterCard PayPass同Visa payWave交易 (要留意每次交易上限係$500定$1,000),有啲卡亦會有額外獎賞。以簽$500計,可以賺到:

Citibank Rewards卡
5X積分:2,500分
25,000分換$100現金券
獎賞價值:$10

匯豐信用卡
「最紅自主獎賞」「常家居」6X「獎賞錢」:$12「獎賞錢」
「最紅星期五」11X「獎賞錢」:$22「獎賞錢」
獎賞價值:$12 / $22

中銀i-card
指定類別 (超市 / PayPass) 10X積分:5,000分
25,000分換$100現金券
獎賞價值:$20

建行(亞洲) eye卡
payWave 5X積分:2,500分
25,000分換$100現金券
獎賞價值:$10

信銀國際Motion信用卡
基本0.55%現金回贈:$2.75
PayPass 5%現金回贈:$25
獎賞價值:$27.5