琴日係Lady C.自懂事以嚟最傷心既一日,無情火令九龍城大閘蟹老子號300斤當造靚蟹「一鑊熟」,真係暴殄天物呀!!!!!不過東主話其實仲有少部份生命力頑強既大閘蟹仲未死架,仲話會幫佢地續隻做Body check,生猛先賣喎……咁咪隨時可能食倒「煙熏大閘蟹」?

其實Lady C.我都識唔少揀靚仔大閘蟹既貼士(見下圖),但係如果D蟹係喺火場焗過又或者有其他小問題,我諗我真係會發現唔倒;就算真係好彩比我買倒隻健康靚蟹,淨係出得廳堂唔入得廚房既我應該都舞唔掂隻大閘蟹,諗諗下與其唔識煮糟蹋左隻蟹,不如出去食好過啦!有大廚幫我煮好擺靚上枱,唔洗自己煮到身水身汗之餘,食完仲唔洗執喎(曝露左我懶到出汁既真面目添……),最重要係有‧折‧頭!Lady C.我實在諗唔倒任何理由要辛苦自己!

聽倒強國反貪反奢華係咪好開心呢?咪傻啦!咪以為供港大閘蟹來自強國(通常係太湖、陽澄湖、牧牛湖等),着數我地就有份先得架?強國半價大閘蟹只適用於強國人,果D「新香港人」同我地依班「舊香港人」通通冇份呀!事實係,供港大閘蟹來貨價比去年貴兩成,要有心理準備今年要繼續挨貴蟹喇!

拿,有名你叫Lazy C.,丫唔係,係Lady C.,我緊係拉埋D酒肉朋友去翠玉軒食85折燕窩大閘蟹套餐啦,到時埋單後開聲叫佢地AA制都冇咁尷尬嘛!其實Lady C.我諗起脂蛋白含量非常豐富既大閘蟹都充滿罪惡感架,但係見倒大閘蟹x燕窩依個組合又真係好想試喎,畢竟燕窩始終係Lady C.我年年25歲既主要秘密武器嚟嘛!

為左預防「獨食易肥」依個毒咒,Lady C.我都早有準備,到時D friends或者姨媽姑姐問起邊度有打折靚蟹賣,我會建議佢地用中銀卡入定D「精選大閘蟹禮券」先,$998有14隻喎,算抵~  遲下我幫佢地去換又點話丫,不過要盛惠一隻大閘蟹做車馬費!哈哈!

指定動作:送上食蟹買蟹優惠~~