最近講過下短途平飛,轉一轉講下長途,如果想去歐洲過白色聖誕,或者農曆新年出外度歲,而家就係時候Plan下。英航做緊歐洲來回優惠,香港直飛倫敦來回$4,680,曼徹斯特$3,960,連稅都係$8,300左右,雖然最平嘅倫敦來回機票可以平千幾蚊,不過要轉機又要等,呢個直航優惠似乎諗得過。另外去其他歐洲城市都係$4,130,就要經倫敦轉機,但可以Open jaw,即係香港去巴黎,然後米蘭返香港,想玩幾個國家或地方就啱晒。由而家到今個月20號可以訂飛,出發日期由10月至出年3月31號。

坐過London Eye未?

當來回倫敦計,可以賺到11,958 Avios里數,經「寰宇一家」可以換台灣來回或者,日本、南韓、東南亞單程機票。如果有大新英國航空白金卡,仲可以$6儲2 Avios里數。至於網上訂機票,用邊張卡食分食回贈好,我之前講短途平飛都提過下,喺度就唔長氣再提喇。

Check過聖誕同農曆新年去倫敦冇晒平飛,其餘日子就有。

農曆新年去米蘭都係$7,498。

另外維珍航空都做緊$4,680倫敦、鴨巴甸、愛丁堡同曼徹斯特直航來回優惠,條件同英航差不多,都係今個月20號前訂飛,今年10月至出年3月31號出發。

聖誕搭維珍去倫敦$4,730,仲有好多日子可以揀,連稅$8,271。