希臘公投已經有結果,有成6成人投反對票,即係唔接受依家債權人提出嘅還錢計劃,同時亦都係表示希臘人唔會理債主,反正債仔大哂,唔還錢,就算還都有打Discount,要出啲還款期,問你死未。希臘人個總理齊普拉斯仲話要感謝人民做出「勇敢的決定」。
今次真係夠哂Guts啦,不過係講緊希臘旅行嘅人,依家真係最好做好心理準備。


小心安全

依家公投結果出咗後,歐洲債權人再借錢救希臘既機會實在唔多明朗,政府已經冇咩錢Run落去,仲話要養老金…要知道人冇錢上嚟真係會發窮惡,呢個時候人哋連開飯都唔夠錢,旅客們就大搖大擺咁嚟玩,對遊客嚟講真係唔多安全囉。

可能不接受信用卡
雖然而家話就話收信用卡,外國提款卡仲唔會限住每日攞得嗰雞碎咁多,各位諗諗吧,ATM就算有錢都一早比希臘攞哂啦。
如果各位打算去到嗰邊用信用卡瘋狂儲分換里數,咁真係唔好意思啦。去到今時今日係人都想係銀行攞錢出嚟,你竟然同舖頭講用信用卡比錢,真係冇人會理你囉。除非你係住酒店啦,仲要係國際品牌嘅,當地酒店仔真係隨時都唔收呀,連AirBnB嚟緊都可能Book唔到了。

解決方法
如果大家都真係要去希臘,大家真係要帶夠現金。希臘已經係一個Cash Is King嘅國家,認現金唔認數字,話知你銀行入面有幾多錢吖,都攞唔到出嚟又有咩用呀。而且現勢又唔多好,安全問題成疑,仲要帶住咁多現金係身,就更加危險,所以真係去既記得買定旅行保險!

希臘式享受 tiramisu 信用卡
嗱,如果各位有時間唔趕住去希臘嘅,就可以唔使咁急住,反正真係離開歐元區嘅話到時去玩仲平!不過你地買咗旅行箱未呢?未買嘅話可以係呢段時間申請返張新卡,啱啱冇耐又有銀行出咗新優惠啦,個迎新就係送旅行箱,計下時間,簽夠數攞完個箱啱啱好夠鐘平遊希臘!而且除咗旅行箱,仲可以揀甜品機,啱晒熱到爆嘅香港,再加埋杯希臘乳酪,就好似去咗希臘一樣!

今次出新優惠嘅係建行(亞洲)。tiramisu信用卡個名感覺上專target女性,就連個卡面設計都可以睇到比較女性化。用咗紫色做底色,再加幾粒星星,有D似銀河Feel,如果嗰幾粒星星可以做D反光效果,閃下閃下,相信可以吸引力大增,感覺上張卡好高級,可以同人show off下。不過睇番呢張卡,佢係Platinum MasterCard,如果真係要做到閃閃下既效果可能要係World MasterCard甚至Visa Infinite先有了。不過正正因為依張係Platinum MasterCard,所以申請門檻都唔算高,只要年薪$150,000就可以了。就算係啱啱畢業冇耐,做咗一、兩年嘢嘅同學們申請都冇難度。

迎新禮品
呢張卡可能因為target女性關係,所以送啲嘢都比較女性化。「吃貨」型女性,你地可以換Dole Yonanas 都樂健康甜品製造機。呢部機最近好似都好hit下,喺LOG-ON見過有Demo,主要係可以將水果放入部機,然後就會變成Yogurt質地嘅凍食,將唔同水果Mix入部機度,出嚟嘅味道真係好fruitful,再加啲希臘乳酪,酸酸地,Yum!不過呢部嘢唔平㗎,係LOG-ON賣成$799,但迎新只要頭三個月簽夠$4,000就拎到。

第二樣就係去旅行用,一個巴黎人系列24吋旅行箱,聽個名「巴黎人」都覺得好romantic,唔知會唔會有另一個系列叫「希臘人」呢?個旅行箱望落去一格格好皮革質感,不過睇清楚個介紹原來係仿皮革,實際係膠做㗎,即係同上一代三星手機一樣,假膠。同樣只要頭三個月簽夠$4,000就有得做迎新。

最後就係現金回贈,(1) 10%餐飲獎賞-於發卡後首3期月結單時段內於餐廳及食肆之首$3,000簽賬金額,可獲10%現金回贈,最多可獲$300現金回贈。(2) 5%餐飲獎賞- 於2015年8月31日或之前,首$3,000其後之餐廳及食肆之簽賬可獲5%現金回贈,最多可獲$200現金回贈。依個玩法真係夠哂Tricky,同埋只係得餐飲先有回贈,變相難簽好多,除非打算用佢瘋狂食tiramisu啦。

獨有優惠
呢張tiramisu卡針對飲食優惠,去食肆簽賬有3X積分獎賞,毋須登記,不過要注意個優惠係9月1日開始,唔好咁快用嚟簽食肆住呀!當然啦,好多有關食嘅都有優惠,咖啡精去Pacific Coffee有得免費Upgrade,酒店餐飲Discount,有李氏力場嘅海逸酒店集團、九龍酒店、朗廷酒店等。
另外呢張卡係MasterCard Paypass,所以去阿信屋都係有88折㗎。

網上申請有Bonus
上網申請會有嘢送,只要你係全新客戶,係網上申請然後交齊所須文件,就可以有2張MCL電影禮劵啦,仲著數過送$100超市coupon!