平時Lady C.都會超市買下日用品同衛生用品,亦會去屈臣氏同萬寧望下,反正幾間舖都好近,所以成日行嚟行去格價,但通常都係超市平啲,不過而家渣打有個優惠 (詳情),買得多的話可能會偏向去屈臣氏。

去渣打登記之後喺屈臣氏簽卡單一簽賬滿$500,就可以即減$25,即係5%。過$500仲可以搭埋$60現金回贈,但即減折扣完後仍然要過$500,即係要夠$525啦。呢$60每個月最多回$180,全期最多回$240,呢個優惠做到月尾,未食過嘅話,食盡就係$180。

但係要食呢$60現金回贈有個前題,就係要累積零售簽賬滿$5,500,然後每單$500先計數,不過呢$5,500係包本地同海外零售購物簽賬、網上購物、郵購、電話購物、現金透支同免息分期計劃,會唔會易達標咗呢?最後,同我估嘅一樣,買奶粉同埋某啲貴價產品係唔計嘅。