試問有邊個女仔唔鍾意白雪雪嘅皮膚?奈何夏天咁熱,唔通仲著住長䄂衫周圍走咩,未曬死先就熱死咗喇。為咗保護我哋嘅皮膚,一定要好好利用防曬用品,快啲睇吓下面你有冇用錯防曬不知不覺變咗黑炭頭啦!

我哋見嘅就只有一束光,其實呢束光一啲都唔簡單。根據唔同嘅電池波長,紫外光可以分為UVA、UVB及UVC。
UVA-導致皮膚老化及變黑
UVB-引起皮膚曬傷及紅腫
UVC-波長較短,通常不會穿過地球臭氧層
所以我哋揀防曬產品嘅時候就要睇住佢防UVA同UVB嘅能力喇!咁到底要點樣睇呢?咁我哋就要認識SPF值以及PA值喇。

SPF (Sun Protection Factor)係指延長皮膚被UVB曬傷嘅能力,要注意佢其實係一個倍數嘅概念。例如本身冇搽防曬嘅情況下,10分鐘就會曬傷,搽咗SPF20嘅防曬後,就可以延長20倍嘅時間先曬傷,即係200分鐘(10分鐘X20)後先會曬傷。而睇UVA就可以睇番個PA值 (Protection Grade of UVA)。PA後面會跟住加號,好似PA+、PA++及PA+++,越多+號保護能力就越強。根據美國食品藥品監督管理局(FDA)嘅建議,我哋應該選擇最少SPF15嘅防曬,同埋最少每2小時就要補搽,如果出汗或者掂水嘅就要補得更密。

FDA準許嘅防曬有效物質:

防曬的物質分為物理性及化學性防曬。其中Titanium dioxide及Zinc oxide為物理性防曬,靠小粒子反射、折射及散射走紫外光去保護皮膚,而化學性防曬則係透過物質吸收紫外光去做到防曬效果。市面上嘅防曬大多都係混合性防曬,即係既有物理性防曬,也有化學性防曬。

防曬Q&A
1. 有啲防曬產品上面印有broad-spectrum字樣,即係點解?
Broad spectrum即是可保護皮膚受到UVA及UVB嘅傷害。我哋揀防曬產品時亦都應該揀broad spectrum呀!

2. 企喺玻璃後後就唔怕曬黑?
玻璃可以阻隔UVB,但係UVA依然可以穿透,所以都會曬黑㗎!所以無論你留喺車入面,定留喺室內睇風景,都應該搽防曬。

3. 防曬產品嘅SPF值可以疊加嗎?即係搽SPF15嘅產品再搽SPF30嘅,會唔會等於搽咗SPF45咁?
唔會。如果咁講,我不停咁搽好多層防曬,會得到無限嘅SPF嗎?如果搽2隻唔同SPF嘅產品,你只會得到較高一個嘅SPF數值保護。喺呢個情況,你只會得到SPF30嘅保護。

4. 我本身皮膚已經夠黑,唔怕再黑,唔使防曬啦!
咁樣諗係唔啱㗎!紫外線除咗令我哋皮膚變黑,亦都會加速皮膚老化,過份咁曬亦都會增加患皮膚癌嘅風險,所以無論係咩膚色都應該搽防曬保護自己嘅皮膚。

5. 防曬液同噴霧揀邊樣好?
各有各好。噴霧方便於一啲隻手伸唔到去嘅位都噴到,好似背部咁。不過噴霧就冇液體咁容易知道搽得均唔均勻,會唔會有啲位置係冇防曬,所以建議要噴嘅話,對同一個部份來回噴幾次,等每個位置都可以噴上防曬。
另外,我哋都要避免吸入噴霧,所以唔好直接噴上面部,全將足夠嘅噴霧噴落手,再將佢搽上面部。

6. 天陰有雲都冇陽光,仲搽咩防曬啫!
咁樣諗就會唔覺唔覺越來越黑喇!即使係陰天多雲,依然有80%嘅紫外線可以穿越雲層,有時有雲嘅日子紫外線亦都好高,所以一年365日都應該要搽防曬出街呀!

7. SPF30嘅產品防曬力係SPF15產品嘅2倍?
產品嘅防曬能力可以用SPF遮蔽率換算公式去計一計。SPF遮蔽率換算公式:[(SPF-1)/SPFx100%=遮蔽率(%)]
SPF15嘅遮蔽率係93.33%而SPF30嘅遮蔽率係96.67%,所以兩者其實只係相差幾個%,並唔係數字大一倍,防曬能力都大一倍啊!

8. 游水特別易曬黑?
水面、沙粒同埋雪地都會折射紫外線,所以要特別小心。另外,每登高約300米,紫外線都會增加約4%。

9. 防曬薄薄的搽一層就足夠?
根據American Academy of Dermatology,大多數人只係搽到建議份量嘅25%-50%。原則上我哋要喺每平方厘米嘅面積度搽2mg嘅防曬,所以大家慷慨地搽防曬吧。如果搽得唔夠,防曬能力係會大打折扣的。

10. 除咗搽防曬用品,仲有咩其他方法防曬?
大家仲可以避免喺日頭中午紫外線最強列嘅時間留喺戶外,亦可善用雨傘、闊邊帽,同埋著深色加上織得密嘅衣服,都可以幫助保護皮膚受到紫外線傷害。

防曬產品介紹

Sunplay Skin Aqua UV Moisture Milk SPF50+ PA+++
-適用於面部及身體
-加入透明質酸、骨膠原及維他命原B5
價錢:
$85.9(公價)
$76.9(屈臣氏)

Neutrogena Ultra Sheer Body Mist SPF30 PA+++
-Helioplex 穩定防曬科技
-Dry touch 超乾爽配方
價錢:
$119.9 (公價)
$89.9 (莎莎)

Coppertone 確不同敏感肌膚專用輕透防曬乳SPF50 PA++++
-適用於面部
-80分鐘高度防水
-不含香料、色素及酒精
價錢:
$79.9 (公價)

總結:
 

如果習慣去連鎖個人護理用品店買個人護理用品,可以用以下信用卡:
用恒生enJoy卡,每月1號以及20號去萬寧消費都有95折。
由即日起至2016年6月30日,以DBS COMPASS VISA於指定類別簽賬(包括於屈臣氏、萬寧、759KAWAIILAND消費),可享5X COMPASS Dollar。