祖琪平時最鍾意就係自拍,食嘢要自拍,行山要自拍,去旅行唔使講,就梗係自拍。但係經過咗咁多年,我哋發覺我哋需要進步。擺來擺去都係果幾個姿勢同表情,當我哋睇返啲相都覺得有啲悶。

祖同琪相信大家都有類似嘅問題,好想進修一下但又搵唔到方法。有見及此,我哋今次搵嚟讀電影學院表演系嘅男神黃定謙(Himmy),教大家影相嘅時候點樣可以呃多啲LIKES。


近期咁興街頭文藝風,我哋帶大家去到上環,呢度有咁多Graffiti,隨便搵一幅牆都可以影到靚相。除此之外,呢度附近都有好多好靚嘅小店可以影吓相。

Himmy教你擺Pose

第一式 插袋法

無論你係男定女,呢招都一定啱你用。想帶出一種街頭不羈嘅感覺,試試將隻手插落個褲袋度,再擺出一個不經意的樣。哇,即刻好似拍緊時裝品牌廣告咁。

第二式 唔望鏡頭chok樣法

有時候,唔知點解,平時明明古靈精怪,但一望到鋼頭就會僵咗。呢招適合望住鏡頭會好唔自然既人。只要揀啱一個望嘅地方/焦點,再拎啱一個位拍攝,人人都變到女神/男神。

第三式 自然笑法

呢招呀琪最鐘意用,因為可以表露到最真誠最真摯嘅自己。做法非常簡單,就係攝影師在旁一直捕捉被拍者最自然嘅一面~(溫馨小提示:攝影師宜在旁一直同被拍者聊天,以換取最好的效果。)

經過一輪學習之後,祖琪都心癢癢,決定試下擺下pose做下男女神。

今時今日,「相機食先」已經唔係一樣陌生嘅事~食嘢之前要影一影相,留住最美好的一刻。祖琪今日都要洗出渾身解數,希望今日能夠得到你的讚同~

呀琪慣招:
只要你心裡面覺得佢係好好食,再張開個咀,你就會表現到好開心同好好食 ^_^
呀祖慣招:
男仔最緊要唔好笑,咁就會好似好cool咁,cool過cool魔~
其實,祖琪覺得影街拍/食嘢相最緊要都係開心。希望大家睇完我地呢篇blog都會開開心心 ^_^
當然,除咗自拍,又點少得影食物,等半夜三更先post宵夜文呢~

“BURGER CIRSUS”
是次消費:
Combo Circus $105
Chocolate Milkshare $58
Ginger Soda $48
10% Services Charge $21

付款方式:現金
Address:22 Hollywood Road Central Hong Kong