雖然我冇料爆,但都想扮吓偽文豪或大文豪(MK式文學唔識寫)慨嘆一兩句:「原來人生覺得最DRY最灰嘅一日,都未必係最差果一日。」……好啦,Lady C.我用咗成三十分鐘去感懷身世,係時候轉換心情,望吓送水大隻仔上吓網仔計吓數仔!

今次想講訂購澳門銀河酒店住宿優惠,等等,點解係呢間酒店,係咪收咗錢係咪又寫鱔稿?拎支槍指住我個頭我都係答:「冇呀法官大人。」剩係寫呢間酒店係因為原先想搵哂所有澳門酒店住宿優惠,但我發現範圍太廣,所以先越收越窄,索性用呢間酒店做例子,叫做分享吓原來好似用某一兩個方法Book係較抵!事先講明,肯定有漏,如果搵到更抵嘅方法留言話我知pls~~~唔好鞭咁大力pls~~

* 以報呢個團(按呢度呢度)要入住雙人房加$400乘15%稅再減返每人$20共$40再減返金光飛航船飛兩張計算
# 以網站原價乘15%稅再9折計算

講返少少個表嘅準則,我係以5月12日訂房到5月13日為止去計算同查價。網站上面顯示個價錢多數都係未計15%服務費連稅,所以我都計埋。我想講咪睇中銀信用卡優惠個價錢唔係至抵就無視佢,事關佢係套票嚟,包埋免費早餐。

澳門銀河酒店話綜合渡假城內多間指定的餐廳酒吧、咖啡廳、零售商戶以及UA「銀河影院」而家都可以八達通消費,咁咪可以賺埋回贈囉?!

原先望到銀河酒店官方網站都有緊咩預訂兩晚、提前預訂有8折都叫做OK啦,但呢個世界,點會冇更好嘅選擇呢?出名嘅網上訂房網站好似Agoda.com、Expedia.com.hk、Hotels.com、ZUJI都有同信用卡搞推廣,但Lady C.我比對完發現好難講用咩卡去邊度訂最抵,因為呢兩點:

  • 比對完發現幾間都做緊提前預訂優惠,目前四個網站個價錢係一模一樣
  • 因為信用卡折扣未必可以同網站本身嘅優惠一齊食,所以除非係好似恒生 X Agoda.com咁係回Cash Dollars 又或者 匯豐咁有N倍獎賞錢啦,否則Lady C.我覺得網站本來嘅優惠(如有)都已經夠著數

  • 順帶一提,間間網站設定個原價都唔一樣,真係忍唔住要話Agoda.com好誇張,設定原價係HKD4,988一間雙人床房一晚,但官網原價都係MOP2,800左右……

最後,我又多手計咗如果玩匯豐最近出果連串優惠,理論上可以拎返幾多回贈。我唔太肯定係唔係可以咁玩,亦都唔係100%確保咁計冇問題,如果各位有興趣又唔介意幫我Check吓,可以睇埋落去:

假設去到澳門銀河酒店先碌卡係當海外簽賬,又當折實返等於簽咗港幣HKD 2,800——

基本獎賞錢 + 11
匯豐6X「賞世界」獎賞錢 + 56
最紅星期五11X獎賞錢 + 56
最紅旅遊每港幣$20額外$1獎賞錢 + 140
最紅Dine & Fly回贈50% + HKD 1,400現金回贈
=實付 HKD 1,137(平咗 HKD 1,663)