我其實係迪士尼嘅Fans ,其中反斗奇兵就係我喜歡嘅動畫 ! 依家深受大人細路仔歡迎嘅佢地就同屯門市廣場聯手打造全港首個大型反斗奇兵玩具派對,大家可以去睇返20年嚟反斗奇兵帶比大家嘅經典回憶!

日期: 2015年7月20日 – 8月31日
地址: 屯門屯隆街3號屯門市廣場
時間: 10am-10pm
有我鍾意嘅薯蛋頭先生同埋火腿啊 !
反斗奇兵經典情節,非三眼仔於夾玩具機內登場的一幕。
同場更將展出超過200件反斗奇兵珍貴收藏品,包括反斗奇兵2電影限量珍藏版菲林片,當中過百件屬首次於香港曝光,相當珍貴難得呢!
現場仲有Pop-up Store入面有全新日本版三眼仔系列精品, 仲要係香港首賣,三眼仔Fans要準備好銀彈出動喇 !
三眼仔公仔 $320
三眼仔電話殼 $140
三眼仔外置充電器 $380
三眼仔雨傘 $220
除咗有得影相仲可以玩埋一份,大家可以係《反斗奇兵3D體驗區及互動遊戲區》化身動畫角色大玩特玩!
反斗奇兵逃出托兒所經典情節,避開勞蘇嚴密監視,要成功從陽光托兒所逃脫,體能和智能缺一不可!
反斗奇兵跳傘總司令,於互動屏幕上支援巴斯、三眼仔及綠兵們安全著陸。
最後點少得要同佢地嚟個大合照呢 !
相信好多人都會有唔要嘅舊玩具,大家仲可以將舊玩具放於收集箱內經修復後將捐至香港基督教青年會玩具銀行。

想同佢地一齊享受陽光與海灘 ? 細細聲講樣野比你地知,8月1日起就有限量版反斗奇兵雨傘(一把),只要於商場內任何兩間唔同商舖以電子貨幣消費滿港幣3,000元就可以換領。如果雨傘唔啱你口味仲有限量版反斗奇兵沙灘手提袋(一個)換,不過就要到8月15日先至開始,同上面一樣都係要兩間不同商舖以電子貨幣消費,不過只要消費滿港幣2,000元就得喇 ! 不過大家留意返 ,限量版反斗奇兵禮品換領要憑該兩家商戶即日機印發票同其對應電子貨幣付款存根先可以換領。仲有全部都係換完即止,手快有手慢無啊!
限量版【反斗奇兵】禮品換領
禮品換領時間:下午 1 時至晚上 10 時
禮品換領地點:1 樓禮賓處

反斗奇兵20週年玩具派對

如果想睇多啲我嘅介紹可以去我嘅Facebook PageInstagram