喺香港地,相信大家出入都會有張八達通喺銀包度,上車又嘟,7仔買濕星野又嘟,就連買個麥記都會嘟,貪佢唔洗用散紙,又方便又快捷,之但喺最近大家有無留意多左人用 Visa payWave同 MasterCard Paypass 黎找數呢? 以上兩種信用卡產品嘅功能大同小異,出現嘅原因喺因係針對信用卡簽賬下下都要拎張卡出黎,俾人碌完,自己又要簽名,時間上點都唔及八達通便利,所以誕生左Visa payWave & MasterCard Paypass,希望信用卡持有人可以喺找五百或一千以下嘅細數時(視乎個別商戶而定,一般為$500)。

但係點解之前又無咩人用呢?可能因為銀行少推廣,而且發卡機構唔多,以MasterCard Paypass為例,參考佢個網頁,都係得三間(中銀,大新,同AEON),連埋Moble Payment服務,都只喺多左恆生同滙豐;而Visa payWave (詳情按此),都喺得六、七間,例如大新、星展、建行等,加上好多發卡機構本身以商戶聯營卡作為Visa payWave & MasterCard Paypas嘅定位,吸引度相對地減少,好似AEON就整左張Circle K Visa卡,大新就整左張零食物語Visa payware卡,無咩賣點。


mobile payment好處就喺唔洗下下拎張卡出黎

另外,雖然無論Visa payWave & MasterCard Paypass覆蓋嘅商戶都唔少,但係因為八達通根本就唔洗拎出黎,隔住個銀包或者手袋都已經嘟到,相反,信用卡始終都要拎出黎,時間上都已經跑輸一截,加上耐唔耐就聽到失靈情況,而覆蓋商戶當中,並唔係所有分店都有提供Visa payWave & MasterCard Paypass嘅服務,另外,如果銀包有幾張信用卡,有時都真係唔知用邊張好,但係八達通就只係每人一張,唔洗左諗右諗,所以唔多人用喺有原因嘅。


Paypass覆蓋商戶都唔少,一般日常消費,七仔、阿信屋、惠康都有。

之但係Visa payWave & MasterCard Paypass喺咪咁差呢?咁其實大家用信用卡消費,都係為左儲分換野,好似以滙豐嘅mobile payment為例,Android機可以用 MasterCard Paypass;而iPhone就可以用Visa payWave,佢宜家做緊額外x3嘅「獎賞錢」,如果加埋最紅星期五x11「 獎賞錢」,即係x14,假設每個月,逢星期五,都去超市買hk$450嘢,一個月洗hk$1800,就會換到1800÷250×14=$100.8「獎賞錢」=1515飛行里數或$100現金券;另一張較好嘅就喺中銀張Icard (MasterCard Paypass)為例,佢就有10倍積分獎賞(詳情按此),好處就喺只要用呢張卡嘟,就有10倍積分喇。

#Visa payWave覆蓋商戶(按此);MasterCard Paypass覆蓋商戶(按此)。