通常慣用嘅信用卡會一直用,用下用下轉眼就幾年甚至十幾廿年。有啲銀行會有年資優惠,持卡年期愈長,就有著數,例如積分換禮品折扣、送額外積分等。

 

持卡年期短-永隆、滙豐、Citibank
永隆、滙豐、Citibank最快可以用到年資優惠,永隆持卡滿2年就開始有,滙豐就5年或以下,而Citi Prestige Card用夠1年開始,就有年度年資獎賞額外積分。

 

禮品選擇多-滙豐、Citibank
滙豐年資優惠有折扣嘅禮品包括唔同類別,例如現金券、電器、廚具、旅行用品、酒店指定套餐等等,而永隆同中銀主要都係換現金券。Citi Prestige Card嘅額外積分,冇限制你用嚟換乜,可以去Citi ThankYou Rewards揀返啱心水嘅禮品。

 

換現金券年資折扣大-永隆、中銀
永隆、中銀年資優惠換現金券最大折扣都可以做到6折。滙豐有限定年資優惠可以換某一、兩種現金券,不過折扣最大得9折,換其他禮品就可能有較高嘅折扣,可以做到5折都唔出奇。

 

靈活性高-Citibank
由於Citi Prestige Card係每年送額外積分,卡主可以隨便換里數、現金回贈同其他禮品,不過用得呢張卡,多數都係換里數。

 

配合信用卡優惠更抵
年資優惠可以用較少嘅積分去換禮品,如果配合埋信用卡簽賬優惠賺分,例如中銀i-card網購 / 指定類別簽賬 / 非接觸式付款10X積分、永隆Luxe Visa Infinite海外指定類別簽賬5X積分、滙豐「最紅自主獎賞」6X「獎賞錢」、Citi Prestige Card海外簽賬$1=3分,加倍儲分,計埋年資積分折扣 / 額外積分,獎賞比率就會降低。以中銀為例,21年年資可以用15,000換$100現金券,i-card網購有10X積分,即係簽$1,500,比率係6.67%;原價要25,000換$100現金券,即係要簽$2,500,比率係4% (10X積分每月簽$1,112賺盡,當分開月份簽)。

 

優惠限制
用年資優惠換禮品時要留意有冇特別限制,例如永隆只可以換現金券、唔可以換現金回贈,每個信用卡主卡戶口每年限首頭100,000分 (以原價計,即係換$400現金券) 有折扣。另外,中銀恒地會Visa卡本身有特別兌換率,唔可以用年資優惠。

 

至於信用卡年資優惠詳情,可以參考返以下嘅Blog:
信用卡 年資優惠-滙豐
信用卡 年資優惠-中銀
信用卡 年資優惠-永隆
信用卡 年資優惠-Citibank

 

滙豐信用卡詳情按此
Citi信用卡詳情按此
中銀信用卡詳情按此
永隆信用卡詳情按此

 

【成功申請指定滙豐信用卡 迎新禮遇可享高達$800「獎賞錢」。限時獨家優惠:推廣期內網上申請及登記此優惠,可多享$50「獎賞錢」】
【Citi稅季貸款實際年利率低至0.99%,申請尊享高達HK$4,288利息回贈!】
【滙豐交稅「萬應錢」享高達港幣200元回贈】