「邊張卡可以入機場貴賓室?」呢個係一個經常有人問嘅問題,可以列入信用卡常見問題集入面。呢一篇Blog整合咗信用卡機場貴賓室優惠,方便大家搵答案。

 

平民都入得
東亞JCB白金卡只要年薪$40,000或以上就可以申請,雖然佢唔可以入返香港嘅機場貴賓室,但日本、中國、韓國、新加坡、泰國、夏威夷嘅機場個貴賓室都入得。另外有啲銀聯雙幣鑽石卡只要$150,000年薪,例如交通銀行、創興銀行、匯豐,比較易申請。

 

銀聯雙幣鑽石卡要預約
但出咗銀聯雙幣鑽石卡都唔好開心住,因為之前用銀聯雙幣鑽石卡入環亞機場貴賓室,只要直接帶住張卡去貴賓室就入得。不過由今年3月1號開始,就要起碼1日前上網預約,而且每日名額得100個,冇之前咁Free呢。

 

美國運通國泰航空尊尚信用卡即開Priority Pass即免費
送Priority Pass嘅卡通常都係高階啲,要一申請Priority Pass就可以免費入,就得美國運通國泰航空尊尚信用卡,一年有4次。雖然交通銀行白金卡都會送,但只送會籍,要一年内簽夠數,下年先有免費入Lounge次數送。

 

新聯營卡都有優惠
除咗Priority Pass同環亞,有部分航空公司嘅聯營卡係可以入返航空公司嘅機場貴賓室。例如比較新嘅AEON Card JAL同建行(亞洲)香港航空Fly Away信用卡。不過前者要簽夠$150,000先有1次;後者每年有5次,仲可以帶附屬卡卡主同親友一齊入,照扣次數,不過入去嘅人要一齊搭同一班香港航空航班先得。

 

可以帶人免費入Lounge?
除咗「邊張卡可以入機場貴賓室?」,「我有兩張卡可以入Lounge,可以帶人免費入?」都係一個問完又問嘅問題。基本上大部分優惠列明只限持卡人免費,只得少數卡可以免費帶人入。不過如果有一張Priority Pass,再加一張可以入Lounge嘅卡,咁有時貴賓室職員可能會酌情處理。不過大家都係預咗人哋揸正嚟做先,唔得都唔好發爛渣呀。

 

機場候機貴賓室位置:
Priority Pass
環亞
JCB

 

限時優惠:
【經HongKongCard成功申請DBS Eminent Card享高達$1000現金獎賞及$200額外獎賞】
https://www.hongkongcard.com/s/ENi1L

【經HongKongCard申請美國運通I.T Cashback卡,可額外獲贈$200禮券】
https://www.hongkongcard.com/s/b4JeP

【經HongKongCard申請WeWa卡,額外享$200現金回贈】
https://www.hongkongcard.com/s/mwPcT