香港人睇到澳門年年派幾千蚊現金,個個都話要移民,澳門真係咁好?最好用香港人最重視嘅居住環境比一比。
*本文所有澳門幣單位已按2015年2月2日匯率(1澳門幣兌0.96925港幣)換算。

人均收入
先交代少少背景資料,2013年香港人均本地生產總值(GDP)是$295,701,澳門是$676,054,代表澳門人均經濟產出比香港高一倍多。按多勞多得邏輯,澳門人均月入應比香港人高一倍。2013年第四季就業人口人均月入是$11,921,比香港人同期的$13,877低,每個月平均低近$2,000,當年澳門派錢都只係$8,000,加埋派錢年收入比香港人少萬零蚊。餘下果啲去咗邊?問下何生。

私樓樓價
你心裡可能諗:「香港啲樓全世界最貴,澳門點都平啲,搵少啲都買得起」,你太天真!2008年金融海嘯後,澳門樓價不斷攀升,6年升4.8倍,同時期香港只升1.1倍。2014年第二季澳門平均呎價更達$10,363元,超越香港當時的$9014元。雖然香港稍後反超前,惟兩地樓價已處於相約水平。

資助房屋
買唔起,可能政府起好多資助房屋呢!你不如早啲瞓。
澳門資助房屋分社會房屋(社屋)和經濟房屋(經屋)兩種,社屋是公屋,經屋是居屋。澳門回歸後一度停建資助房屋,千禧年代只在2003和2005年推出過社屋,而經屋當然更少。直至2009年,樓價上升加上已登記社屋的市民遲遲未上樓,澳門政府提出「萬九公屋」政策,承諾2012年前完成興建19,000個資助房屋單位。信佢一成,雙目失明,「萬九公屋」到今時今日2015年都未完成,相反,根據2013年的公布,新社屋申請最少要等四年才能上樓。共產黨的「共產」或者只存在於黨員之間。

由於澳門資助房屋的供應量不穩,所以比較兩地公屋(社屋)的入息和資產限額比較適合:

如果扣除澳門人均月入水平低這個因數,兩地公屋(社屋)門檻差不多,但不要忘記澳門的社屋供應極不穩定,是另類的「三年不發市,發市當三年」,用白表抽過居屋你就明,不過人地係用呢個心情等公屋。

個個話好愛香港,好心痛香港點點點,但咁愛你又走?同口講好愛老婆轉頭叫雞包二奶無咩分別。去到邊都有困難,有事就走唔通你想靠移民環遊世界?