低回報高收費 ─ 㩒住搶嘅強積金

近日拆開銀行月結單，看罷自己balance 同卡數後，「無意地」看到有一個項目叫強積金，係喎，諗下諗下已經供咗十幾年，望望一大堆數字同百份比，真係無興趣睇落去。「強積金」美其名係為巿民作退休後一個保障，但又係基金公司搞出嚟揾錢嘅工具。如果真係有保障，就唔會有咁多保險公司又喺sell 退休咩計劃，咩anuity；而家又推出咩半自由行，鼓勵整合個人賬戶，又話要提高有關入息上下限。唉，而家睇電視已經無得揀，強積金公司得19間，供咩基金，收費係點，亦只係喺呢個少選擇而複雜嘅產品中兜來兜去，唉，轉來轉去，啲基金公司咪不停收緊手續費。