今日留一線？？ (1)

隔了好耐再同大家見面了，工作忙到都忘記了此欄。先講一聲：對不起。

 

最近，大新的優惠——免手續費找銀行卡數，推廣一做就幾個月。直到1月31日完了，我見到好多網友都幾十張卡，個個月為了拎$100回贈而做好多機動性的「入錢、繳費、再入錢、再繳費……」的動作。循環了不少次，一個月做數十次，我想你們應該都做到累了。我都有見到有此推廣，用我的幾張卡做了一些消費，再繳交其他的卡數，都賺了數百元的回贈。在此，多謝大新銀行的推廣。

 

正當大家以為完結時，有人收到SMS，中了特選客戶優惠，可以再多4個月免手續費找卡數。我都收到了，可以再用相同方法賺多少少回贈。當然，有銀行送錢俾大家就一定開心的。但我卻想到另一問題，就係銀行會否一早預計估到客戶玩得太盡？有留意開大新的人都知道大新最近幾次的推廣都開始加入了新條款，似是用來提防客戶在新推廣時用漏洞合法地賺取更多的回贈/優惠。

 

我不會評論是否做得對或錯，但是總不能避免有人真的針對推廣優惠來賺到盡，令銀行要更改推廣玩法，例子有好多，下次再談。