搭飛機 賺更多「亞洲萬里通」里數

依家搭「寰宇一家」嘅航班都可以儲到「亞洲萬里通」里數,所賺里數係根據飛行嘅實際距離去計,但由6月22號起,就會跟「飛行距離區域」去計。雖然唔同客艙類別同「子艙位」所賺里數有唔同,不過會比以前賺多咗里數。

以去曼谷為例,買機票要畀$1,800,喺舊制之下可以賺到524里,但改制後賺到2,000里,計返都係$0.9/里。

 

「亞洲萬里通」里數 換機票

喺新制之下,換機票方式變成換單程,更有彈性。「亞洲萬里通」仲推出咗飛行獎勵類別,分為「標準賞」、「靈活賞」同「隨心賞」,當中「標準賞」所需里數最少,但係機位供應亦相對較少,最多353日前預訂機票,詳情可以參考以下呢個表:

 

「亞洲萬里通」飛行獎勵類別

 

換經濟艙機票更著數

由6月22號開始,經濟艙機票可以用少啲里數兌換。以來回日本北海道為例,依家換經濟艙來回機票要30,000里,但新制之下單程係10,000里,所以只需要20,000里就可以換到來回機票。

除此之外,喺新制之下,去同一國家嘅唔同城市玩都一樣咁著數,例如去東京玩到大阪再返香港都係20,000里。

 

商務同頭等機票需要更多里數

雖然換經濟艙機票著數咗,但部分商務同頭等機票就需要更多里數,例如換阿姆斯特丹嘅商務艙機票,依家120,000里就換到來回機票,但依家單程需要65,000里,即係要130,000里先換到來回機票,比以前多咗10,000里。

 

「亞洲萬里通」里數 玩法

依家除咗點對點咁換機票,仲可以用「亞洲萬里通」獎勵機票以30,000里換到日本同台灣兩次旅行嘅機票,但新獎賞計劃就限制咗唔可以當出發地係停留(stopover)咁玩,所以呢個玩法冇咗。新制之下繼續可以有停留(stopover)、中轉(transfer)同開口(openjaw),但需要根據開口(open jaw)而定有幾多停留(stopover)、中轉(transfer)同開口(openjaw)。

另外,「寰宇一家」聯盟成員獎勵機票嘅玩法未有受影響,但所需里數比依家多,可以參考以下呢個表:

 

「寰宇一家」聯盟成員獎勵機票