「魔童叔叔」王維基嘅HKTV開播都有一段時間,而旗下購物平台HKTV mall亦剛剛正式開張,真係好似百貨公司咁,乜都有得賣,以後網購又多一個選擇。為慶祝開張同吸引新客,仲會送$100 Mall Dollar回贈,係人都有份。

新舊用戶皆送$100 Mall Dollar
為慶祝開張同吸引新客,由即日起至2月15號期間,新舊客戶都會有$100 Mall Dollar送,可以當$100現金用嚟買嘢。Mall Dollar係乜?即係類似信用卡積分,喺HKTV mall買嘢都會有回贈可以用嚟當現金買嘢。回贈率通常係3%,有效期係半年。

賺取Mall Dollar計法係金額扣除咗折扣同Mall Dollar之後,加埋運費計。例如件貨本身賣$100,用咗$20 Mall Dollar扣數,加埋$40運費,總數係$120,就會回返$3.6 Mall Dollar。有啲貨品會有額外回贈,嗰啲唔使扣咗Discount同Mall Dollar先計,但就唔會計埋運費。

現有HKTV用戶可以直接Login HKTV mall,未註冊嘅可以去官網註冊,填好資料就OK。

要Check返有冇送$100 Mall Dollar,Login之後撳右上角嘅人仔圖案,揀「回贈紀錄」就會睇到。

喺「回贈紀錄」列明現有回贈,要留意呢$100 Mall Dollar會喺3月31號到期。

運費$40起 買滿$400免運費
Mall Dollar嘅貨品係由本地唔同商戶提供,運費計法就以訂單牽涉到幾多個商戶,每個商戶運費$40,每多一個就加$40,例如貨品來自5個商戶,就要俾$200運費。不過如果購物總金額超過$400,就可以免運費。不過有個別商戶運費係獨立計,買嘢時要睇清楚。

$100 Mall Dollar變相慳$60
由於Mall Dollar唔可以抵銷運費,所以用咗送嘅$100 Mall Dollar,仍然要俾運費,即係你買$100嘢,實際上只係俾$40,即係4折。


埋單時可以入Mall Dollar數值,入幾多隨你,例如今次有$100,就入晒$100。

點用$100 Mall Dollar好?
至於點用呢$100 Mall Dollar,相信精打細算嘅各位應該好清楚,梗係湊夠$100,淨係俾$40運費,揀嘅貨品最好係同出面市價差不多(HKTV mall有啲貨會貴過出邊)。以下我搵咗少少抵買貨品 (不過寫文時缺貨中,可能被人搶晒),大家有時間亦不妨尋下寶。

1 Pack 6包裝麥精個價同出面超市差不多,有$100 Mall Dollar,買6 Pack只需要俾$1.4加$40運費,除開每包$1.15,好抵 (不過寫文時缺貨中,可能被人搶晒)!

雖然1 Pack 5包裝辛字麵比出面超市貴十幾蚊,買3 Pack $107.7,扣$100 Mall Dollar後加運費$47.7,每包3.18,仍然平過超市$0.6至$$1.0。

麒麟啤 6罐裝賣$39.9,買3 Pack每罐$3.32,係超市一半價錢。

Xbox Live $150禮品卡,實際用$90買。

嬰兒奶粉唔覺有我熟悉嘅牌子。

信用卡賺網購獎賞
HKTV mall接受 Visa、MasterCard同 JCB 付款,可以以下呢啲信用卡,賺埋網購額外獎賞。

中銀i-card:網上零售交易10X積分。
建行(亞洲):網上購物5X積分。
東亞i-Titanium卡:網上購物3% i-Dollar回贈。