上回講完愛股申洲國際(02313),今回繼續有越南概念的港股。所謂女性同細路仔錢最易賺,今日講胸圍股維珍妮(02199)。
 

比較貼市嘅朋友都知道,維珍妮去年10月初以5.6元招股上市,升咗倍幾有多,目前市值近150億元。嘅然咁大家公司,不過大家未必聽過維珍妮三個字,但佢啲客仔你地一家聽過,女士們甚至可能有過親密接觸,包括:Victoria’s Secret、Bali、Maidenform、Calvin Klein、VSX、 adidas、Reebok、Under Armour和Champion等等。

雖然佢地遠見未必比得上申洲,首間越南廠房去年11月才開始投產,不過仍然是好事。集團預料首間越南廠房今年產量達2300萬件,明年達4600萬件;第2間廠房基本完成,修尾後預計9月可試產,至明年首季投產;第3、4間廠房將於5月及9月起開始興建,興建時間預計為一年半。

總計4間廠可以提升集團整體產能一倍,加上上一篇已經提過受惠跨太平洋夥伴關係協定(TPP),產品甚或零關稅出口到美國,另外仍有人民幣貶值等大環境因素,而且此類股份在香港比較少,未來三數年增長應該可觀。

集團原本的基地在深圳,在越南人工比內地人工便宜一大截的情況下,首席財務官早前講深圳廠房人手將由2.3萬人,在3至5年內減至1.8萬人,其後再減至1.5萬人。

喂,撤資?因住上《環球時報》。

本文不構成任何個別股份買賣或投資建議。