簽卡儲分,可以換超市現金券,不過Lady C.就甚少咁換,因為啲分要留返嚟換里數。去超市買嘢,多數都係用八達通儲日日賞$,順手俾埋啲印花媽咪,換下砂煲罌罉。最近中銀做緊優惠,可以碌卡嚟買下貴嘢。

去惠康、Market Place by Jasons、Jasons‧Food & Living、ThreeSixty、Oliver’s the Delicatessen、用中銀信用卡簽賬一單滿$500,即減$40 (詳情),連上去惠康同Market Place by Jasons網上超市都一樣用得,唔使登記,亦冇上限。呢個優惠做到9月4號,不過大家唔使諗住買燕窩、雞精、嬰幼兒奶粉同尿片,因為呢啲係唔包嘅。對於平時只會買啲「口立濕」嘅Lady C.嚟講,要約埋媽咪去入貨,塞爆屋企個糧倉先買得夠$500。

Lady C.會買一、兩支酒,加埋其他立雜嘢,好易過$500。