今日全公司 (包括我) 都喺度上網買iPhone 6,瞞住老細緊張咗成個下晝,終於都買到啦啦啦~^.^!咁高興,又到Happy Friday,梗係要出去飲飲食食輕鬆下慶祝下,今次就近近地去山林道。相信大家都知山林道係尖沙咀其中一條食街,出名食肆多,今次嘉嘉我又揀咗幾間,睇下啱唔啱大家心水?

高流灣嘅火鍋配料好多選擇,有啲仲係自創。

串燒燒烤專門店嘅燒烤有日式同川式,滿足晒唔同口味。

純燒鳥
菜式:日本
簡介:日式居酒屋格局,星期五放工去Hea下,歎杯日本啤酒,食下日式串燒同燒物,爽!燒飯糰、燒牛舌、燒年糕都係必食。
推薦付款方式:VISA、MasterCard
適用信用卡:DBS信用卡
獎賞:全港食肆3倍DBS$獎賞,每簽賬滿$250= DBS$3。

水剌韓饍
菜式:韓國
簡介:有燒烤同熱食,炆人蔘鮑魚牛肋骨好豪、甜品人蔘雪糕亦好特別。
推薦付款方式:VISA
適用信用卡:富邦信用卡
獎賞:逢星期六、日每簽滿$300或以上本地簽賬有2X積分。

高流灣海鮮火鍋酒家
菜式:廣東
簡介:主打火鍋,生料款式多,當中嘩鬼油條係蟹籽油炸鬼,水上飄飄即係魚肚墨魚滑,好有特色。
推薦付款方式:VISA
適用信用卡:東亞信用卡
四個階段獎賞,每階段回$150,全期最多回$600。推廣期內累積滿$10,000,額外回多$100回贈。

串燒燒烤專門店
菜式:日本 / 四川
簡介:位於小巷之內,遲少少再涼啲坐住露天位,食住黑豚鞍、魚香茄子、牛舌、比目魚等日式同川式串燒燒烤,別有風味。
推薦付款方式:VISA
適用信用卡:匯豐信用卡
獎賞:最紅自主獎賞加最紅星期五11X積分。

Oyster Express
菜式:西式
簡介:開咗好耐嘅蠔吧,主打各國生蠔同其他海鮮,可以配埋白酒,Marriage!
推薦付款方式:銀聯
適用信用卡:建行(亞洲)銀聯雙幣信用卡
獎賞:即日起至9月30號,簽滿$2,000,之後簽賬金額有5X積分。另外星期一至五用匯豐、東亞、恒生、中銀、工銀亞洲信用卡,精選生蠔5折。